打機

今日返左 CityU 後，就陪左 Do Do 行街。其實行街即係打機 ^.^。

至於打咩機? 當然就係頭文字 D 喇。
所以今日落左去上環陪佢打機，當然喇，我贏多輸少，呵呵。

之後就由信德中心行左去中環廣場 (即係香港站果度) 食野，食完就係度傾計，一路傾到 5:xx 先走，之後就送佢返屋企。
不過似乎佢都好似好返好多喇，放得低佢男朋友，不過說到傷心處，我都 feel 到佢唔係咁開心既…….雖然佢係笑住咁。

送佢返屋企果下，傾開揀男朋友既野……….
佢話如果十年後都搵唔 arm 既話，就有可能揀我。
跟住我答佢：下！唔係呀…….咁灰？
佢聽到我咁講，當然完全唔明我既意思喇，hee hee.

其實好簡單，如果真係咁既話，即係十年後，我都係無人要，依然係一個「等愛的男人」………
不過當然喇，我知佢唔係咁既意思，只係我諗到……唔好出現 d 咁既情況就好喇。
試問咁樣都唔灰既話，仲有幾多野可以灰呢?