Home 旅遊足跡

2012 日本之旅 Day 1

四月 23, 2012

680

32 Shares

今次日本之旅是十年後再到日本，睇返之前啲相，我對上一次去日本已經係 2002年暑假嘅事。
當年赤鱲角機場都只係開咗幾年呢。

今次去日本其實我做咗 King Kong –> 係咁揼心口
事緣理論上早啲買飛應該會平。我由年頭一路留意，到過咗農曆年都好少旅行社出復活節嘅價錢，就算話到俾你聽都好貴。
最後見到國泰假期 $4300 連 3日2夜，最後扑鎚呢間。
點知 2 日後就見到東瀛遊做緊 $4000 5日4夜，雖然酒店無咁靚，搭係搭美達航空，但都係早機去 (8:00am)，晚機返 (8:00pm)，不過平咁多咩都係返度喇。
其實之前有去過旺角銀行中心睇，不過去過 3,4 樓，都無邊間有復活節 plan，就無上 5樓睇，唔記得咗上面有東瀛遊，唉。

而係 3月份，見到有國泰都有做復活節 promote，$2000 機票，又再一次揼心口，真的慾哭無淚。

講完唔開心事，都是時候講個旅程。
因為我們本身是零晨機 1:00am，但等女朋友放工後，9:00pm 已經出發了。
今次我們沒有搭巴士，因為見到地鐵有 promote，有6折，所以我們刻意搭地鐵到香港站再轉乘機鐵，因為香港站有 check-in 服務，再寄埋行李，之前未試過。
之後我們就出發到機場。

去到機場就盡快入閘醫肚，因為可以入閘後進食的機會不多呀。
當然因為機會不多，所以價錢都不便宜。

食完就玩 iPhone / iPad 打機。不過上到 twitter 才知道，原來下午一架 A380 客機爆軚，有一條跑道封了。
就是這個原因，這班只有 3% 機會 delay 的班機，都需要 delay 半小時。1:30am 才起飛。

不過零晨機真的辛苦了一點，很難睡得著。去到日本，當地時間是 6:30am 左右，見到飛機上寫著機外温度 4°C 真的嚇了一跳。

去到日本過關，見到真係得好少櫃台 serve 外國人，所以大排長龍。
而日本保安真係嚴好多，要打兩隻手指公的手指模。

出關後，原本以為需要等 JR East 旅遊服務中心開門買飛要等很久，因為網頁上寫著要 8:15am 才開門。但因為我們班機 delay ，過關又排了很久，所以 7:55am 左右去到 service center 打算等，怎知道已經開門了，還大排長龍中，所以唔能夠搭到 8:10am 的車，要按原定計劃搭 8:53am 的車。
在這裏買了 Suica & N’EX 來回機場套票，和 JR關東地區通票 (8,000 日元 only，平JR東日本通票Special 2,000 日元但要連續三日使用。)

去到池袋放低行李。因為見到沿途櫻花開得好靚，所以第一站去咗新宿御院睇櫻花，因為之後我地要 14 號先再得閒，到時櫻花應該謝得七七八八，所以襯好天又開得靚快去睇。

去到新宿御院，見到周圍都係人，勁多日本人襯好天出嚟賞櫻。
都排了 45min 隊先入到去 (收費 200日圓)

呢個網址係用 Panorama software 做出來，大家可以一看
http://360.io/6752zp

去完賞櫻後，就返新宿吃東西。十年前有一間拉麵店令我一試難忘，香港完全沒有相同質素的拉麵。不過好好彩最後都俾我揾得返。
原本可以好快揾得返嘅，但係因為就住唔想用咁多 data，無 check 10年前嘅 album 揾返間鋪頭名，就十年前嘅記憶想揾返大約係邊，當然都係揾唔到。
最後都係睇返 album 張相，Google 一下，揾到個地址，先知原來我地已經係間鋪頭行過 miss 咗，真係豬咗。