I feel better now

今日無咁唔開心喇
因為今日遇到新法既 fd
大家係紅門果度傾左好耐下，差唔多成個鐘呢
傾完之後，心情好多好多，因為佢開解左我好多，原來對比起佢黎講，我算係小巫見大巫
呢個係佢既故事：

係我同佢一齊 repreat 果年，佢係 ICQ 識左個女仔，大家傾傾下先發覺，原來果個女仔係佢小學既同學，而呢個女仔仲識得半隊佢成日一齊踢波既球隊!!!!!但我個朋友同果個女仔都竟然唔知對方既存在，雙方都非常驚訝。後尾我個 fd 追左個女仔，拍埋拖。

之後一年，佢地兩個都好好家。個女仔出黎做野，個男仔讀大學。一路都好好地，直至上年，我先知佢地散左。

其實，佢地拍拖二年，但開心既時間大約只係有一年，因為係第一年拍拖，個女仔只係轉左兩三次工，每次既工作環境都無咩其他差唔多年紀既男仔出現。直至拍拖第二年，個女仔開始變，唔會成日搵我個 fd，開始變得冷淡。成日都會話好 tired，唔舒服，唔想出街。咁我個 fd 信佢呢番話，好就佢女朋友，就算一個月都只係出得兩次街左右，都依然就佢。不過最後因為個女仔態度好冷淡，所以提出分手。不過頭兩次個女仔都「唔捨得」分手，所以無分到。不過當個男仔第三次提出分手，個女仔應承左。

咁原本好好地無咩野既，我個 fd 係灰家喇，不過都頂得住。
咁原本佢同佢女朋友之間無咩秘密既，所以佢個 ICQ a/c 都借介俾佢女朋友，一齊用既。
咁分左手之後，梗係羅翻個 a/c 喇。咁當佢 online 既時候，見到有個女仔，好似同佢好熟咁，個女仔話原本同佢傾開果個係男仔黎既，點解依家變左第二個男仔。咁我個 fd 同佢講無理由喎，呢個 a/c 只係俾佢 ex-gf 一個，無理由係男仔喎。
結果，事實係原來呢超過半年之黎，我個 fd 既 ex-gf 一直都鐘意緊佢學校既一位男先生，但個男先生有女朋友家喇，不過有少少問題。其呢位 ex-gf 就利用我個朋友既 ICQ，假扮男仔，同果位阿 Sir 既女朋友 chat，(佢一早羅左呢位女士既所有資料，包括電話，地址)。
呢位 ex-gf，扮到好同情，好關心呢位女士，令呢位女士覺得佢依家個男朋友(即係個阿 Sir)唔好，同佢分手。等呢位 ex-gf 有機會乘虛而入。

咁最後真相大白，原來之前我個 fd 提出兩次分手，只係個女仔未有把握追到個阿 Sir，拖住先。後尾搞掂就飛左我個 fd。我個 fd 果下真係灰到爆燈，因為佢個女朋友原來對佢係咁假，一直呃左佢咁耐，同佢拍拖兩年，真係咩回憶都無。佢灰到極點。
不過後尾佢都企得返起身，依家有個都幾好(仲要幾靚)既女朋友。

我聽完佢既故事，覺得自己其實已經係好好彩，個天已經對我不薄。
因為我起碼曾經擁有過，有過回憶。雖然係因為第三者而變心分手(因為係變左心鐘意左第二個人後，對我既態度變哂，就算唔再鐘意果個人都好)，但都總算對我坦白，無利用我。
所以，能有一位 gf 如此，已經係大幸了