搭巴士都當黑

當黑果排，真係咩都黑啲嘅，
今日搭車返學，都唔知點解前面既車無端端死火，
我搭果架巴士就塞左係轉彎位，進退不得，
又唔夠過，亦走唔到。

巴士司機都落車幫手推車(見圖)，
不過差唔多十個人推都推唔郁，
後尾我先知原來係架名貴房車太先進，無撻著架車就會鎖死條呔，唔俾架車郁以免危險，
不過呢個先進既設計就令架車無得推埋一邊俾其他車過。

最後我地架巴車需要後退 (咁當然會阻阻其他車喇)，
經返隆亨再轉上去新田圍附近先上獅子山。

咁樣我都係住係沙田咁耐，第一次搭 81M 唔經大斜路上獅子山既經過喇。

夜晚，我表弟黎我屋企，教我細妹數，
咁當然喇，我早左返屋企等佢喇。
後尾佢黎到，我地就 齊打左陣 rainbow6，
但點知唔係正版，就唔可以對打，因為佢會 check CD-Key。
後尾我先搵到個方法，就係唔駁 Internet ，等佢無得 check CD-Key，而可以 Lan Play，如果唔係就會因為老翻既關係而唔俾我打 >..<

最後佢十一點左右走，我先至係果陣 Online。