女朋友要 tump

今日過了普通的一天
因為唔知點解
我 7:00 就醒左喇
雖然後尾訓返，不過都唔係訓得好冧

大約 11:30 左右先正式起身，之後落街寄 CD 俾 Katy，之後順便買埋 d 煎堆牛利穌返屋企
之後一直到 4:00pm 左右先出門口去羅電話
羅完電話，之後買飛睇戲 ($25，好平)
不過幾好彩喇，有人陪我睇，唔駛自己一個孤伶伶
其實講真都唔算話太擔心既，因為全間戲院得 5 個人買左飛，ha ha
至於睇邊套戲? 係睇《地心浩劫》

之後落左去深水步買電芯，800mAh $55 x 3 + $10 4個電池盒，唔好話唔貴呀
最後去左 CityU 將啲飛俾埋人，費事聽日萬一唔知醒做千古罪人喇。

返到屋企，見到Mandy(柴女) 仲係度未訓覺……都服左佢，可以咁挨法
睇返 newsgroup，見到佢 bf reply 左佢都一段幾大篇既野。
其實我都唔係好知佢 bf 點諗，but 算喇，我又唔識佢，佢諗咩我唔清楚唔出奇。
不過可以肯定係佢需要改善下自己喇，女朋友要 tump，同埋要錫家。呼之則來，揮之則去，大家遲早出事。

一齊唔係一定要管住同做曬去面
i prefer女友同其他男仔去街
無錯，我個心係會好唔開心.. 好唔舒服。
但係，我又可以做D乜？唔通叫自己女友唔好？
如果叫佢唔同其他男仔去街，咁個女朋友咪無曬自由
講真，做人男朋友，點會唔想自己女朋友身邊得自己一個男仔
正如做女仔o既妳，妳都希望妳男朋友身邊得妳一個
咁妳同其他男仔去街o個陣又會唔會諗起妳男朋友？妳同其他男仔去街o個陣個感覺又點呀？
妳同其他男仔去街o個個，妳諗人o地又點睇妳同其他男仔o既關係？

做男朋友知道自己身邊係有好多朋友，自己o既性格又唔可以話唔理自己o既女性朋友
咁做男朋友o既可能會因為咁而俾自己o既女朋友去識下男仔，而唔係俾男仔追。
對我o黎講，我唔知其他o既男仔係唔係咁諗
“身邊有會好多人行過，不過佢o地係過客。身邊真真正正永遠會留o係身邊度o既人就得自己o既女朋友一個。”
我唔會向任何人否認我同女朋友拍拖o個陣唔好唔睇下女仔，諗下D無聊o野。
但係，只係諗下睇下，個心最重要o既人都仲係自己o既女朋友。

又有可能妳男朋友覺得自己配妳唔起，佢覺得自己身體差﹑樣衰﹑對妳唔好﹑配唔起妳
佢覺得妳最終都會有一日走，咁佢點解要唔俾妳同其他男仔去街？
佢可能覺得妳會o係呢D男仔之中搵到妳真正鍾意o既妳
佢o既責任都完成，對佢o黎講，佢o既責任就係照顧妳，等妳搵到一個連佢都覺得個男
仔係配得起妳o既人o既時候
佢就係慢慢咁消失，咁對妳對妳新o既男朋友都好
唔係嗎？

其實呢個世界無arm同唔arm o既事，妳覺得arm o既事，可能妳男朋友又覺得唔arm..係唔係？
妳覺得妳男朋友唔在乎妳，其實佢心底係好緊張妳，為o左妳而唔開心﹑擔心，妳又知唔知道？
即使係玩玩下o既男仔，作為人o地o既男朋友，我諗當自己o既女朋友同其他男仔去街，佢o地都唔會好受

兩個人一齊唔係一定有講得出口o既理由，好簡單如果妳問妳男朋友佢點解會愛妳
佢答妳佢愛妳係妳靚？妳身材好？妳心地好？妳夠溫柔？妳口才好？妳幫到我？呢啲都係有好多男仔俾自己女朋友嘅answer
但係諗深一層，咁唔通妳有accident，唔再靚，無曬身材，咁佢就會唔愛妳？如果係，
呢個男朋友都可以放棄
唔通妳變壞o左，唔再心地好，唔再溫柔，佢就唔愛妳？作為男朋友o既我，我一定會諗辦法去幫自己o既女朋友，幫個女友變返好，而唔係放棄個女朋友。

對我o黎講，我覺得兩個人一齊最重要係大家都相信大家。唔好成日都諗住對方o既唔好.. 你又點花心，你又點唔溫柔，你又點.. 咁係無用。佢有問題，妳係應該幫佢去改，佢真係改唔到，咁妳只可以放棄叫佢去改，in fact，習慣係好難話改就改。

最後，我想講男女之間要相處。簡單o黎講就係，如果見到自己男友有o野諗，唔開心果陣，最好都係唔好問。因為如果佢想講，佢會同妳講。如果唔係，妳點問佢都係唔會講，妳點問佢即使講都係d唔係佢諗緊o既o野，咁妳又可能會唔開心，可能會發脾氣，咁大家o既關係又唔好。我suggest就係，如果男朋友係唔開心有o野諗o個陣，妳最好係俾佢自己靜下諗下，要相信自己男朋友有解決問題o既能力。做男朋友o既，o係時間同
金錢許可下，應該陪多d個女友，咁女友就唔會亂諗o野。

對唔堤，各位，我講o左咁多廢話。
in fact，我係柴女o既男友。
我想用一個newsgroup 路人甲o既身份同佢分析下ja..
有乜得罪，對唔住呀