公開示愛難頂

今日一早起身，去做尖
尋日同 Crsystal 講過，今日佢考試後打個電話俾佢既
咁我 12:41 就打俾佢點，點知佢又係同樣時間打電話黎，結果兩個都打唔通…..後尾佢快我一步打多次先通，ha ha，好耐未試過兩個一齊搵對方喇
原本約左個教練，不過佢唔舒服，今日唔得
咁唯有遲啲喇 (佢後尾約我下個星期四)
做完尖，好 tired 呀
不過算喇，都無咩所謂
行左去信和……………係二樓，有間賣卡通既鋪頭，門口放左部電腦播緊 d VCD，咁幾好睇，我企係度睇下喇………(旁邊仲有另外一個人)
點鬼知，格離賣四仔果間鋪頭，企係門口叫人買四仔果個”Sales”熄左部電視喎………..都唔知關佢咩事!!!!!???
結果我同另一個人走開左，個”Sales”又開返……..我都唔知阻到佢啲咩，我睇既又唔係佢鋪頭 d 野!!!! 唔幫襯佢買四仔就唔俾睇? On 居家 !!!!!
之後返左 CityU， remote control 屋企部機，見到 Mandy 姐係下午1:00 左右 send 個 message 俾我
我打去問佢有無咩事………佢話每事….之前只係打個招呼姐….依家佢睇緊 VCD，咁我留然即收線唔阻佢喇
上去 OA 睇「新少年」(免費的)，之後無耐就返屋企喇。原本想話食下午餐，不過無人陪，算喇…..食少餐當減肥
返到屋企，見到無人 online，所以我offline……………走左去做睇下書，無對住部機….
點知我對返部電腦果下，睇 newsgroup，竟然 Mandy 又同 Turkey 又鬧交………………
Turkey 又係 newsgroup 公開示愛………….個人黎講覺得幾難頂下家……………….
(佢有啲似我之前同 Crystal 咁，臨分手果下，成日鬧交……..不過好多時都係我忍左佢…….但都逃唔過佢講分手既命運)

講開又講，早兩日(應該係星期一) 阿媽問我係唔係同 Crystal 鬧左交……….我話唔係呀，分左手之麻 (ha ha，輕描淡寫，因為唔想同佢講咁多)
佢咩我咩原因分手……….我當然係講最 common 既講法………..性格不合
佢好想追問原因………不過我唔想講………最後迫供下講左一個…………Crystal 鐘意一個何時何地無論咩情況，都完全唔會發脾氣既人……….不過我做唔到…………所以分手。
好彩佢接受呢個答案咋(咁呢個都係事實之一)，唔係既話佢有排問有排煩…………