老貓燒鬚

今日係唔開心既一日………..好唔開心……………..
真係超! 級! 老! 貓! 燒! 鬚!
今日無咩野喇，開學…..照返學羅…..
返完學原本打算做尖既，點知表弟打電話黎，問我買電話既野
咁好喇，落開旺角，幫手睇睇買喇

去到旺角，表弟同我講話佢行左幾次，價錢係 $24xx 左右喎
但我再行行睇睇，原來大約只係 $2180 左右(某 d 鋪頭)，跟住佢地(兩個表弟)俾我話，點解唔入去鋪頭問價，就咁係出面望望就算 (出面果個只係水貨價)。
最後見到一間賣 $2080，最平既，咁入面買羅，佢羅左部機俾我，咁我睇下喇，因為佢咁平，都好留心 check 部機家喇，咁機肉同埋機身殼既 no 係一樣，雖然張 label 有 d 曚曚地，不過以為應該問題不大。所以叫左我表弟買左………………..註成大錯。
其實都知可能有問題…………所以即時落太子 Nokia Pro，俾佢 check
結果話部機係行貨，不過應該係舊機………
佢講左俾我聽應該點睇
1) 睇個盒，盒上應該有部機既機身編號
2) 部機既條養日期 label，應該係用電腦打，唔係用手寫
3) 部機既火牛、電、機身既保養日期應該一致(電池係半年保養)

不過，我買果部機，盒上原本應該貼上機身編號既貼紙俾人撕左……..(初初無留意到，留意左就一定唔買)
機身既保養日期，係人手寫落去…..當然火牛同埋電果 d 都係唔一致喇
佢話佢部機係 update 過黎喎……….所以人手寫……..個盒(其實個盒幾舊下)撕左個 label 就當係舊機? 叫我唔好用 d 咁唔合理既理由屈佢喎…………
不過佢又話肯收返部機……不過9折………蝕 $200 左右喇
最初我表弟唔想既，但後來佢阿哥(都係我表弟)同我都讚成蝕 $200，寧願買部新機算…………
唉，咁就累我表弟唔見 $200。
最後去左數碼通買新機 + 上台……機價係 $2288，其實都只係貴先達平均價 $8-$100 左右，不過就一定安心無問題
當一個教訓喇………..不過真係老貓燒鬚，俾人知一定笑到面黃……….

跟住又講下今日最開心既事喇
就係我極度鐘意既小學先生打電話黎呀…………佢係我一生中遇到最好最好，最錫我既老師。
好開心收到佢電話，大家都講左成 20min+
講左我呢排近況………….係極度唔開心，好傷好傷既心情…………..(呢位老師係我唯一一個會真係講心事既老師)
不過佢似乎都唔係好得閒………….大家交換左 email
可以隨時聯絡……..
好野………..

今日係 newsgroup 睇到人地寫既野：

愛情上最尷尬的其中一回事，是不肯死心。
當他宣布要完結，而你那邊還未心息之際，你就會變得很難睇。

你扯住他問來問去，你問他為甚麼中途就走，你問他為甚麼愛過之後可以
忽然不愛，你以為，愛上了一個人之後，是會一直愛下去的。
你好痛苦，癡癡纏纏，你也好醜樣。

年輕的時候，反而是最執著的時候，拿得起卻放不低。而對死心的了解是，
你先死心就可以，但他早你一步死心，就罪該萬死。 後來我們才明白，愛情，
是會消逝的，而且更是措手不及的事，忽然，愛情就在他的手上終止。
尤其是年輕時代的愛情，昨天還好端端，今日他就不要你了。

只有令自己死心，你才能從痛苦中抽離。死心是，他不愛你了，你也不去愛他。

學習愛情是條雙行線，有來有往。只有走錯路的愛情才是單行線，只有你一條
直路行駛，而你身邊根本沒有路相伴。

輕鬆地說出：「係囉，佢唔愛我囉！」

不要仇恨，不要怨天怨地，你要明白，背叛是愛情中非常平常的事。

既然可以啪一聲相遇，他亦可以啪一聲離開你。

離離合合，是生命常規。

執著而瘋狂，是傻人所為，別仰慕小說女主角的鍥而不捨，所有不肯放手的人
心理都有問題，而且自私。

失戀當然悲痛，但如果不能學習死心，你就無資格戀愛。

我們的愛情是一段接一段的，也要經歷千迴百轉的煙消雲散，
最後才會遇上棲息的地方。