愛在瘟疫蔓廷時

今天很 tired 呀
因為為左 Mandy 份生日禮物，落左去銅鑼灣
佢話想要本「愛在瘟疫蔓廷時」，我原本以為係簡單任務，不過我找雲成個銅鑼灣都無
行到我腳仔都軟埋。
最後係灣仔先搵到，好彩，唔係今日白行一趟喇
之後去左旺角，打算買野包好本書喇，點知 Mandy 打電話黎，話佢依家落銅鑼灣，咁我打算搞好哂 d 野再落銅鑼灣搵佢，送埋俾佢唔想煩喇，hee hee。
最後搞掂好包好哂，搭車落銅鑼灣喇，點知去到金鐘果下打俾我，同我講話唔得，佢男朋友係度……….無計喇，咁唯有搭返車返去九龍塘喇…..好彩未出閘。

返到屋企………..上網，睇到 Crystal 既日記…………佢似乎幾開心呢
ha ha，我山長水遠去到接佢，想同佢食餐飯都無機會呢
不過………算喇 ^.^

今日去到銅鑼灣果下，見到名店城果度有好多人，走去睇下喇，原來話容祖兒係 4:00 鐘會黎做嘉賓抽獎。我睇睇個時間……….

4:02pm，又唔係真係太多人，所以就決定係度等一陣呀。
好彩佢 4:20 左右就黎左喇……….咁我呢部 10X Zoom 相機梗係大派用場喇 (好彩我成日帶住部相機) 影左啲相喇。
不過影影下相間，有兩個人係度打交呀，後面個細路係度話前面果個人阻住佢，係度爭位，兩個人仲打起上黎添。
最後 d 實Q 拉開左「被人阻住」果個，不過果個人既情緒有 d 問題家，係咁係度喊哂口咁叫(只係有眼淚家)，話要殺死阻住佢果個人，兩個人仲係咁話要隻揪添。(ha ha，見到果個人，真係諗起 Kobe。無計，提起情緒有問題既人，我第一個一定諗起佢，因為佢帶俾我幾痛苦既回憶，短時間都幾難忘記到佢，而且，果位男仔同 Kobe 差唔多年紀得黎又同 Kobe 差唔多身材，各位睇睇聽日報紙就知家喇………ha ha)

「被人阻住」果個試過兩次行返埋黎想打過，又係度叫行出黎，我要殺死你 咁樣，不過另外一個都無點彩佢。係佢第二次再黎既時候，實 Q 就捉住佢，拉佢出去門口既牆邊，唔俾佢再搞事。因為搞度容祖兒都問發生咩事……..個個影相或者 Fans 都齊口講話無事，可以繼續，我覺得有 d 搞笑….

當容祖兒走左之後，原來「被人阻住」果個人仲未走家，當佢見到阻住佢果個人係度既時候，仲想衝埋去打過…….佢阿媽阻止佢，仲俾佢一手nut 開，(好似打到佢阿媽添)，係度叫「我唔理呀，你出黎呀，死靚仔，我要殺死你」咁(註：其實佢至係靚仔，因為佢年紀應該仲細啲)………………..「阻住佢」果個人，因為已經放低哂 d 貴重器材 (佢都幾 Pro 下，睇到佢 d 鏡頭都知唔少$$)，所以就行出黎講「好呀」，過黎隻揪喇………班記者見到有野睇，成班衝左埋去「被人阻住」果個人度，係咁影相，不過呢個時候果個人知驚喇，見到咁多人影佢，就係咁喊，同埋叫「唔好影呀」……..相反「阻住人」果個就好大方咁俾記者影相…………最後「被人阻住」果個人俾實 Q 帶左去名店城入面唔知邊度喇……..最後不了了之。

其實佢地兩個既 EQ 都唔係咁好，要 train 下喇，唉，影相姐，唔駛咁呀………..又無打爛到 d 相機。
我會推介佢地睇一套戲，叫Anger Management
相信佢地會會心微笑

最後，希望你地明我寫咩喇(因為我都唔係好知自己寫咩，ha ha)
同埋送上今日祖兒既相 <– 其實我唔係咁鐘意佢，唔好誤會

1 of 27