2003 7.1 遊行

今日真係好開心，好感動
一向被評為政治冷感的香港人，歷史性地有五十萬人為香港的前途而上街
如爭取一個公平及公義既社會而抗議、遊行
為政府 6 年來的施政及基本法 23 條這惡法而抗爭
雖然未必可以做到啲咩，但係都算真係付出過汗水，無愧於任何人

今日因為要去遊行，所以約左狗雄佢地12:00 就係新城市等 (今日我好野呀，著左件倒董既前條T-shit 去 ^.^)，不過話時話，見到大家樂 d 人，個個都唔似去遊行咁…….都幾驚得好少人去家
食完野 1:00 左右就出發羅……..經過我建議，就係搭火車去紅堪再經巴士去銅鑼灣…..好彩好順利去到(因為後來知道多好人去…..搞到仲塞過年宵)
我地到達左銅鑼灣後，就去左維園 (見到唔少人著黑衣，都幾開心家 ^.^)
不過見到維園有好多人祈緊禱，而且大學生既集合地點係圖書館後面既球場，所以我地就要係維園搵路去圖書館喇…..
去到圖書館…..見到好多人下呀，不過唔係響球場度…..係響圖書館入面，因為天氣太熱既關係
所以個個都去左圖書館抖涼，所以圖書館超多人呀
咁我就係四圍影相…….hee hee，到左 2:30 左右先出去球場，咁係球場果下見到 Michael 同埋嘉莉，所以就打電話俾Fighting 喇…….不過佢竟然唔聽我電話….算
之後等到成 4:30 左右先出發(其實都算早)
咁係軒尼斯道後面果條路(即係好多紅Van 去西環果條路)，係果度塞左差唔多成大半件鐘呀，果度超多人呀
後尾先發覺果度係維園同埋我地圖書館果度既人流混合既地方，所以塞死哂…………
出到去大路，原本最初睇電視話應該得西行線封，但原來東西行線都封哂，不過就算封哂都好，全部都係人呀
我發覺香港既遊行(咁大規模計)，最好係有天橋，因為天橋上面有人拿住個大聲公叫口號，下年啲人跟住叫，或者上面既人唱歌(改哂 d 歌詞)，個個係度笑，個 feel 真係好鬼正呀………..
到最後，我到去到政府總部果度都已經成 7:30 多啲喇，遊行隊伍都唔經政府總部，只係響下面行經就算喇。
咁去到中環咁近，當然係打俾 Fanny 睇下佢點喇 (以前同佢講過，佢話好既)
應該今日佢都出左街，所以依家都係遊行緊…….佢果下係金鐘，hee hee
到最後，我地去左天星碼頭搭船返尖咀，原本想係果度食既，不過因為果度要等位所以去左旺角食
最後大約10點左右返到屋企喇

今日係咁大個仔第一次遊行，好開心有咁多人肯企出黎
睇下政府點回應喇