今日原本想話一早返學校搞緊學生証嘅
不過睇完封信,原來只係星期一至五搞……………..算喇
所以就直出銅鑼灣,因為約左 Crystal 1:15pm – 1:30pm 係銅鑼灣等
不過我 12:35pm 就去到羅…………..但我係咁打電話俾佢…….都係關左機………唉
最後原來佢係 1:25pm 果下,先話俾我聽係上環地鐵站,唉………..又係遲大到
結果差唔多 1:50pm 先見到佢………俾完袋龍眼俾佢我就去左灣仔睇書展 (唔知嘅係度講埋…….佢阿媽因為多左張飛…..所以早幾日請左我去大陸旅行…..所以買左啲首信…..今日俾左佢)

話時話,書展真係幾多人,不過好彩唔駛排隊入場…………..
不過有唔少書上年都見過下……….不過有本幾有興趣嘅係「聖經密碼 2」….講話 2006 年可能會有世界大戰,而中東會係導火線……..因為阿拉法之死……….
話時話,睇完真係幾驚……不過驚唔到咁多……..正如書入面所講,未來仍然係我地嘅手入面…….將來嘅發展可能有好多種,唔只得一種……….咁我呢啲咁嘅小人物,就各望各位大佬…唔好打杖喇……….
行哂三個展館……仲有本書幾正下……就係講香港呢 100 年嘅飛行史,睇到好多飛機呀……
睇到以前個啟德機場就好開心呀………..hee hee,好有親切感
係啟德機場嘅跑道降落,原來係全世界最高嘅…….無真才實料嘅機師係降落唔到,因為架飛機一路要急降而且要急轉彎……..自動導航可以話無咩用,要人手降落……….全世界嘅飛機師都要以香港呢個機場做模擬試驗,不過真係服左啲機師,真係好勁

另外亦都睇左啲科學書………..反而自己有本教 photoshop 整數碼相嘅書就唔覺有得賣,算喇………

夜晚,再約多次 Crystal…………同樣地係 call 極都 call 唔到佢…………
不過就傾返我地之前個問題
不過正如之前 Kitty 講…….佢對我已經無感覺
最後係 10:30 左右返屋企

…………………….仲有 5 日

Previous article最後 6 日
Next article仲有四日

網名:Enterpr1se,人稱「企企」
自幼喜歡 StarTrek 星空奇遇記所以用片集內的星艦 -- 企業號 來做網名。

年輕時曾擔任《電腦時代》助理編輯,主力評測各種產品,和撰寫技術文章。
出過數本書仔,聽聞賣得不錯;現在轉戰博客,繼續有果句講果句。
喜歡新事物,愛攝影、玩Gadget,夢想能每年去一次旅行。

聯絡電郵:[email protected]