好嬲大陸人

有時真係好嬲啲大陸人家

我阿婆病左喇，諗住叫大陸某個親戚落黎香港照顧我阿婆
點知果個人，原來自己本身都有病，血壓超過 200 (已經過左危險戒線)
但都夠膽落黎……..最麻煩係落黎前又唔講聲喎，落到黎仲要我阿公照顧埋佢，唉

係佢落黎之前，佢去剪頭髮，其他大陸既人話佢笨，點解唔落黎香港先剪，唔駛自己出錢喎……
你話呀，貪得就貪
落到黎香港，好多好既野就食，唔好既就唔食………不過呢樣算喇
佢都唔算好衰家喇
另一個仲衰

果位親戚 A 落左落黎一個星期左右，親戚 B 就落埋黎，美其名為探病，實際落黎就係想分錢，因為見到親戚 A 落黎，點解佢又唔落黎分下…………

講些少住事俾大家聽下先，等大家對佢有啲印像
我阿媽細細個屋企就無咩錢……因為阿公將啲錢寄返哂上大陸，大陸既人男仔好女仔好，都會有書讀，有衫著。而阿媽佢地就要去羅救濟，讀埋小學就無得再上。
因為阿公既錢係會俾佢阿媽，再由佢分俾其他人既，呢個親戚 B 夠膽死話從來無收過阿公既錢!!!
有次阿公上到鄉下，無派錢，就連飯都唔煮，要阿公出街食。後尾每人俾幾百，就好好招呼喇。