已經有太空坦克

今日好遲先返到學校呀
返到學校無耐就去左食我既「早餐+午餐+下午茶」，因為我咩都未食過
返上 OA 後無耐，就收到 Iris 既電話
佢話佢係 OA 裝唔到 3DMax
咁結果梗係我「英雄救美」咁同佢搞掂哂所有野喇

不過佢畫 d 野唔係靚，但係就好複雜，當年我係學校學 3DMax 果下都畫唔到咁樣呢
後尾同埋佢一齊 Print 果張畫
最後 print 埋佢既 past papper 就走羅
不過今日都同佢講左好多野喇，尤其係公司既野
佢好勁呀，依家佢做三份 PT，勁辛苦呀
>.<

我就遲多一陣先走
因為原本係打算食埋野先既
但係佢地(CityU 既 fd ) 話唔食
結果就好順 Thomas 意咁……落左旺角喇

去左金雞樓下果間茶餐廳食野
不過有點稀虛呢…….因為以前成日去完 Crystal 屋企就係度食野家喇
依家都無咩機會係果度食羅

食完野後，就去左打高達……原來依家 啲 Z高達
已經有太空坦克喇…….不過好似弱化左
而高達 RX-79 就好好用呀，幾好玩
當然喇，我就成日死…..係咁俾 Thomas 鬧喇
唉……..
算喇，我係打去玩下 relex 下既
我唔係好介意輸既

遲 d 有機會再玩過喇