最後武士

今日一早就俾人打電話黎嘈醒左我….
算喇,因為今日無論點都要早啲起身家喇,因為打算去車公廟拜神。
點知打算出門口果下 Thomas 打電話黎話佢個頭好痛好痛,叫我陪佢去醫院,佢依家係公司,叫我去佢公司樓下搵佢…….不過我連佢公司係邊都未知。就當然去唔到喇,不過我阿媽又勁想今日去車公廟喎,因為今日係好日。所以最後都係拿拿聲去完之後就去搵 Thomas。
去到黃大仙,佢話俾我聽佢已經係太子,叫我係太子搵佢….
去到太子,佢又叫我係機鋪等佢~~~~同埋放低 $ 跟機,陣間黎到佢有得玩。咁好喇,係機鋪等佢。
黎到之後就睇佢打果種足球機,其實呢款足球機兩年前去日本旅行果下已經見過。不過依家要 2 年後香港先有得玩…..講真,我一諗起呢樣就無 mood 玩喇。呢種機係 $25 兩鋪,送兩張卡~~~~~好貴。
之後我想返屋企先,因為我無羅相機,因為打算今日行下山頂既。Thomas 唔係好想我去,想我陪佢打機,不過我就想返屋企先。
返到屋企搞得黎再去葵芳就已經 4:15pm 喇,同約好既時間差唔多喇。
之後落去旺角,因為 Thomas 電手提。佢去澳門玩家下整爛左。
之後就落銅鑼灣食小小野,之後睇最後無事…….唔係唔係,應該係《最後武士》。
靚佬湯真係好型下呀…..ha ha ha,抵佢紅。
最後去埋食夜晚就由銅鑼灣行下去灣仔,之後搭地鐵去葵芳送 Mandy 返屋企。
最後同 Thomas 打左 $20 機就都返屋企羅。

P.S 今日 Mandy 唔係好開心添,因為今日睇戲果下我已經好「醒目」咁坐最入果個位,等佢地兩個一齊坐。點知 Thomas 叫我坐中間喎,搞到 Mandy 唔開心添。

Previous article《致命報酬》
Next article初七人日

網名:Enterpr1se,人稱「企企」
自幼喜歡 StarTrek 星空奇遇記所以用片集內的星艦 -- 企業號 來做網名。

年輕時曾擔任《電腦時代》助理編輯,主力評測各種產品,和撰寫技術文章。
出過數本書仔,聽聞賣得不錯;現在轉戰博客,繼續有果句講果句。
喜歡新事物,愛攝影、玩Gadget,夢想能每年去一次旅行。

聯絡電郵:[email protected]