澳門旅行 Day 1

今日一早返學校溫書…………2:00pm 考試，不過都考果下都未溫哂，結果我當然係唔理咁多，睇多陣先入去喇，所以入到去果下已下過左 20 min 喇。
不過唔緊要呀，我係專登遲到既，唔係因為搭車 or 遲先身，要趕返去考，所以無影響到考試既心情。

講真，我寧願遲啲入去，睇多陣，好過準時入去，不過到時唔識要早走喇…………
呢個係我既諗法，hee hee

不過入到入去考，都係考得麻麻，我背左既野佢無出………我只係立過既野佢就出左……………灰………

考完出黎，就同其他同學嗲左兩句，之後就上返去課室執野走，原本想話考直接去上環既…………不過一 check，點知係帶左部相機，但無帶 ram 卡，勁灰……
所以唯有返去喇，無choose.

返到屋企，就梗係無咁快有得走喇，阿媽又俾湯我飲，咁我自己又走去沖沖涼先，所以都搞到比較遲。
而作出最錯誤既決定係我搭巴士去………因為第一城有巴士一程車過上環，所以先決定搭巴士，不過亦令我比較遲先去到………
咁我去到上環果下已經係 7:25pm，只可以搭 7:45pm 果班船，去到果下就已經成 8:45pm，剛剛好 1hr.

原本去到果下 Do Do 係打算黎接我既，不過因為佢要趕時間跟個行程，所以就叫我去「議事亭前」等…..咁佢講幾次，我都聽到係「xx亭前」，咁我以為佢係指酒店係響果度，所以我見 3 號巴士經間酒店，就上左去，係酒店附近落。咁去到酒店門口，打俾 Do Do，果下先收得清楚，先知佢係去左「議事亭前」，咁佢叫我褡的去。不過其實都好近下，一陣就到，都係 $12 姐，仲平過香港添。果度依家變成左好靚既遊客區喇。

之後就上大三巴，果度都幾靚呀，因為有啲射燈照住，成牌排坊好光好耀眼下。之後再上炮台，不過果度用啲黃色嘅燈影住，又有多重殘影，真係好似啲鬼片咁呀。

之後就去左浦京，hee hee，其實我咁大個仔第一次去家咋，好多野都好新鮮……………而且都好貴。

我見好多地方最底投注額都要 $100 – $200，講真一句，叫我咁放 $ 落去，真係心痛死喎，平時自己洗都唔捨得洗喇…………

有 $2xx 我都已經買左部 CD-RW 喇，依家都唔係好貴。

我都唔捨得買，叫我咁賭法，我估我心臟真係受唔起咁既刺激呀。

佢地班人真係有 $ 到…………算喇，都唔關我事。

不過只係諗起 Thomas 果下可以受得起…………勁。

最後就返酒店喇，咁我地傾到 2:00am 左右就訓覺喇，因為 Do Do 佢都好 tired 下。

---

今日搭巴士果下，ManPower 果度打電話黎，問我接唔接一份 PT，聽日做既，返 11:00am – 11:00pm。City Bank 聽日會係旺角擺擋，而工作只係負責記低邊個人做左邊個客，同埋派禮品俾人。不過聽日我都係澳門喇，無得做，所以我就彈左俾 Fanny 做。咁我打返電話俾 Fanny，打佢屋企電話果下係佢 m 接電話…….當我提到我係Gary 既時候，我聽到佢講話即係蓉蓉既男朋友………搞到我都幾尷尬。(不過……其實我懷疑我隻耳仔有 d 問題，因為佢其實係講話「瀅鈺」嘅男朋友……)。

ha ha，不過算喇，無論點都好我都係一個無人要既男仔 only ^.^

引伸閱讀：

澳門之旅 Day 2