大陸產品安全問題

今日下午同 朋友 Walter 去食lunch。

傾開大陸既排既產品安全問題，我同佢都覺得當然歐美各國都有抄作既成份係度喇，不事事實係大陸產品既質素真係差，所以先會引發今次既事件。

好似含鉛量超標咁，國際標準係 0.06%，不過就算超標去到 0.2% or 0.3% 咁，大陸人都唔會覺得係有問題，雖然已經超標好多倍，但佢地會覺得「都係超得個少少，連1% 都無」，相反會覺得係外國小題大做。

另外一個事件就如二甘純牙膏咁，係會致癌既，不過大陸本住「要日日用，成日用，先至有機會有問題」既精神，覺得外國人歧視，但其實有其他代替品，如甘油，唔會致癌，外國都唔會用呢d二甘純黎做牙膏喇。

外國就話夠膽禁，香港就慘喇，好似孔雀石綠咁，致癌，根本唔應該有，但係俾大陸嚇一嚇，話一話，就即時轉口風，話要「成日食，日日食，食大量先至會有事」。

我相信如果係外國既話，一早禁左喇，零容忍喇，有毒家。

咁呢d事睇，我作出個結論係，大陸人係習慣，大事化小，小事化無；就算有多大既問題，都可以自我催眠到無問題，由洗衣粉油炸鬼，到垃圾水黎整粽，或者早排報紙賣既腐爛海鮮當新鮮賣都好，佢地都可以自我催眠到無事無事無事，食完無事無事，唔會死人，etc

而香港人既習慣就係，呢個係一個問題，但唔係我既問題，係你既問題
從發生任何事各政府部間都卸膊就知；佢地會承認問題既存在，只係會話唔關我事。

講返轉頭，Walter 間公司係大陸生產洗頭水，佢講返公司既野，就可以睇得出點解大陸產品咁多問題。

好多時，個客都會要求間公司既原料供應商出份成份表，但基本上間間供應商都唔會有d咁既野，所以好多時都要 walter 間公司求其 print 一張俾個客交貨 ( 即係話偽做)。

而好多時，其實d 供應商都唔做証佢地既產品係無毒，就好似呢排佢地做緊 d 陶瓷產品咁，佢地叫供應商保証 d 原料無毒，但供應商都唔肯保証，簡直係有毒就意料中事，無毒就你好彩咁…..

Walter 個阿頭都唔敢亂黎，遲下出黎既 product 都會攞去公証行 check check，萬一有事既話，send 份 report 俾老細睇，睇下老細仲出唔出批貨。

如果d 原料真係有料，而老細又唔想蝕錢照出的話，咁 arm 又俾加拿大驗出，又會係一單大新聞

所以大陸成日都佢地既產品99% 無問題；

我睇，係99% 無驗過就真……