東方真係以財玩法律

眾周所知，香港嘅傳媒自我審查係公開嘅秘密。

最近有本叫《開放雜誌》，入面有一篇前香港電台嘅人寫左一篇文章講左呢個現象。

話有 d 傳媒老闆，因為接受左大陸嘅公職，或者生意上嘅利益，而影響左旗下傳媒嘅篇輯自主。
東方日報就即時出律師信，告對方誹謗，睇準人地雜誌社細細，唔夠你玩，迫令對方收聲道歉賠償。

今日佢地仲出左篇社論，話佢地係愛國嘅報社，「香港各大傳媒的老闆接受國家公職，為國家出力，為香港人謀利益，更是光明正大所為。」，所做嘅野都係為國家好，但受到「因愛國原罪受盡污衊攻擊」。

其實傳媒老闆，應該避免瓜田李下，收受利益。你收得人錢，你所講嘅野嘅公信力仲有幾多，真係幾令人質疑。唔好講到政府呢d咁遠，講下廣告，如果人地廣告商俾大量 ＄＄你，你仲夠唔夠膽彈果個廣告商嘅產品先。

其實我以前睇開東方，但呢份報紙真係轉軚轉得太明顯，總會將搵ｄ理由，將唔合理嘅野講到合理，將合理嘅野，就放ｄ黑材料落去變成唔會理。

就例如太陽有個專欄咁，叫朱元璋明鑑，入面鼓吹專制統治，將要求民主嘅人拉去株九族。

入面其他如毛澤東看今朝、紀曉嵐鐵筆，好多時睇到嬲但亦都覺得好好笑，佢地真係當d香港人傻嘅咩，顛倒是非黑白，我都有 fd 睇，睇完笑果d作者白痴。

好心東方聽下人地講咩，唔好下下出律師信喇。
(不過如果東方肯聽，可能已經係中國已有民主之時)