艷照門

其實依家寫，都已經 Out Out 地，奇拿無再放相，而雜誌已經係報緊各”明星”有咩”下場” 了。

不過都依然想寫幾句。

其實我覺得，藝人既私生活同我地普通人係無咩關係。

藝人既工作就係將「觀眾喜歡的一面」Show 俾觀眾睇，一直以黎，呢d 各種唔同既形像，都係由市場需要，加上藝人公司，經理人公司，同埋藝人本身既努力已做出來。

而呢 d 「人工合成」既產品，有可能係真的嗎??

所以「藝人」=「偽人」，其實唔算係貶意，因為呢 d 就係佢地既工作，而佢地得黎既回報就係出賣佢地既「演技」，就係佢地要俾觀眾覺得佢地就係一位叫 XXX 既人 (唔好忘記大部份人都係藝名，已唔係真係有一個咁既人)，就正如我地普通人一樣，出賣勞力換取回報。

係鏡頭下，藝人既生活就係佢地既工作，而老細就係我地呢班觀眾，所以幾乎係我地想佢地點，佢地就要點 (真如我地想鍾欣銅天真純真，佢地就需要俾人一種咁既感覺)

唔知大家有無試過俾老細鬧到一面屁，仲要扮無事咁；而放左工，返到屋企後俾人鬧(老婆又好老媽子又好)，仲會唔會戴住個假面具笑笑口咁??

藝人都係人，佢地離開左鏡頭，上左陳冠希張床，就係佢地既生活(尤其係性生活)，唔需要再話俾記者聽，唔需要觀眾係旁邊加油打氣。一砌都係佢地私人既野。