十月全城哈咾喂 2010

講起 Halloween，又諗起班右基，今年班右基又發功，又係度係咁話 Halloween，老實講，係唔係全香港都要跟你地班右基 standard 你地去安樂，唔可以唔同既人唔同既生活方式?
又用埋一 d 都唔科學既調查，去証明「大部份」人都恐懼 Halloween，總之唔想任何宣傳係任何媒體出現。事實上香港有 Halloween 已久，廣告人根就知條線係邊，所以一 d 都唔驚恐，似玩 party 多。所以個調查正正撞正 Halloween，調查結果嚇人。

班右基只係識得「關注」性，同埋其他佢地睇唔順眼既事。不過李家傑果三胞胎(雖然個人黎講覺得唔係咩大問題)，唔見佢地關注大家樂賺5億仲明加實減員工嘅人工，唔見佢地關注地產商賺每一吋，呃盡買樓既人一分一毫。
正如神父所講，李嘉誠大起發水樓、大家樂壓榨員工才是真正「食人嘅魔鬼」。
我唔要求班右基去「驅鬼」，事實上唔少右基都係達官貴人；但佢地唔好做埋咁多小動作去干攝其他人既生活，你地唔去你地既事，唔好搞咁多野……

好，吐咗啖氣後，講返 Halloween。
事實上今年 Halloween 真係去得好平，剛剛好有朋友係網上面團購左，$300 兩張飛，勁抵，不過只可以平日去，但平咁多無所謂喇。

今年可能係十周年，所以海洋公園都幾落本下。但我放工後才去，不太夠時間，只可以去到<彭氏兄弟之童眼>、<喪屍反擊戰>、<哈囉喂十年回魂館>、<熱舞吸血城 >、<一人火葬場>、<幽靈遊樂園>，共六個館
其中<彭氏兄弟之童眼>、<哈囉喂十年回魂館>、<幽靈遊樂園>係比較好玩既。
但今年同上年我都遇到同一個問題，太多人。
所有人都係魚貫進場，d 驚嚇位一早已經知道哂，所以一 d 都嚇唔到人，變左好似只係參觀咁！
聽聞九月尾剛剛開始時，人少很多，相信下次再去的話會早少少去，應該人少 d 好玩 d。

還有，今年全部相都是用 iPhone4 影的，質素當然及不上大機，除了有幾張 white balance 有問題外，其他基本上合格吧。