黃子華棟篤笑之娛樂圈血淚史 II

黃子華耐唔耐就會有一場棟篤笑，今年係黃子華開棟篤笑 20 年嘅日子。
亦係第一次黃子華係紅館開棟篤笑，仲要開四面場 (之前好似只係許冠文試過)
比起林以諾已經好好多喇，人地只係開到半個紅館 (笑)

黃子華棟篤笑好睇既原因可能真係同佢讀哲學有關，佢講野幾有深度。
依家上網睇返佢講嘅片段，就算過左 20年都依然覺得好笑。

不過今次開宗名義係講娛樂圈，所以深度略有不足，不過笑位依然豐富。
但唔講唔知原來黃子華上左大陸拍左套溥儀，見佢為左套戲真係瘦左好多。而且北方超凍，諗起都寒。
但黃子華搞笑形像太深入民心 (就係佢所講既”地心吸力”)，所以睇見戲入面佢既表情好多人都笑左出黎 (不過其實佢果下個樣係一個 “慘”嘅樣)。

可能佢真係唔好彩喇，套戲改壞左個名。
由叫做《溥儀與他的五個女人》被迫改做《非常公民》
好明顯睇個名已經覺得唔吸引，所以並沒有一炮而紅。

。