【影評/觀後感】一啲都唔爆嘅《猛火爆》 (Red)

呢套戲係說穿了，是耆英電影。
故事說幾個從 CIA 退左休既老人家，突然俾 CIA 追殺
佢地就能人所不能 (話哂都咁大年紀) 咁樣殺上 CIA，搵出幕後主腦。
其實當然喇，呢套係由漫畫改篇，搞搞地笑，不合情理係正常既，亦無需要深究咁多。

不過其實睇呢套戲都只係想睇班耆英，
布斯偉利士、摩根費曼、海倫美雲 都係我鐘意睇既演員，個個都好好戲。
不過最令我驚喜係見到另一主角係 Bones，McCoy，即係 Star Trek 入面嘅 Doctor，其實佢都幾型仔家。

呢套戲其實一 D 都唔爆，因為班主角全部都唔係可以跳跳紮既年齡，最打得果個係布斯偉利士。
其他都係一 D 爆咋場面，最多只係如機槍掃射，類似西部牛仔既對決，但係火箭炮 vs 手槍
過程笑料都有啲既，你話極好笑就唔會羅。

如果女仔唔鐘意睇咁重口味嘅動作電影，呢套係唔錯嘅選擇，節奏輕快，有笑料既動作喜劇，再加埋影帝影后演出，值回票價喇。