XBox 360 Kinect, Samsung Galaxy Tab, Nokia N8

星期五借 D 耳上左去 Talkonly，因為今集有幾多野玩，hee hee。係度多謝 @Netbugs 同 A網友 @abc1230 招待。

其實今次上去好明顯係為左主角 Kinect，因為今次玩法真係同以前好唔同；我之前參加過 Microsoft 同數碼港合搞嘅活動，不過上次只係試過玩跨欄同保齡，當然，我完全玩唔掂喇，所以今次再上去 Talkonly 挑戰一下。

今次係 Talkonly 玩多左唔少 Game

1. Dance Central

2. Kinect Adventures

3. Kinect Joy Ride

其實這幾隻 Game 都係幾好玩嘅，不過佢地講話跳得最差果個放上 Youtube 就真係驚驚 XDDDD

呢隻 Kinect 真係會 Kill 哂 Wii 同埋 PS3 Move，因為無需要再禁制，完全係好 Natural 咁玩 Game，個感覺係好唔同嘅。

而佢 Detect 得幾準，就算有人係面前行過，佢都唔會當左第二個人係你，呢個真係幾聰明。

其實上次去 Microsoft 個 Event，已經講話依家 Kinect 已經比初初出嘅時候，辨識距離短好多，但玩過後，覺得距離依然係太遠，香港啲發水樓，咁窄嘅廳基本上好難玩到，尤其係兩個人嘅時候，需要嘅距離更遠。

不過 Kinect 感覺真係好玩同好高科技 (雖然呢樣科技已經面世好耐)，以前從來無嘅體驗，依家係 Kinect 得到，所以有 Xbox 360 嘅朋友絕對值得買。

---

至於 Galaxy Tab，我用過之後，覺得「算吧喇」。

原因好簡單，成件野係一個未完成嘅作品，尤其係 OS 層面上面，完全無就 Galaxy Tab 優化過，佢個 Mon 我知係靚料，不過無任何一樣野可以俾我見識到有幾靚，Icon 又唔見靚，字體又唔係靚，影相又唔係靚 (未有機會從 PC 入相)。

試過輸入網址時中間打錯字，完全唔知點樣 Back 返去改正 (聽聞所有 Android 都係咁)。

睇網頁時可以用災難去形容，尤其係有 Flash 嘅網址，完完全全好lag，就算用 Dolphin，都唔見得特別好 (雖然已好好多)。

7吋 Screen 搞到睇網頁或睇 PDF 成日需要 Zoom in Zoom Out，好唔方便。

不過，當然 Galaxy Tab 唔係一無是處，7吋 Size 羅出街係方便嘅，尤其係地鐵迫車果下，細細部係唔錯。

重量亦適中，一隻手羅都唔會支力。電量初步使用，好似都唔錯，續航力 OK。

而且見到唔少 App 都可以兼容到，例如 Angry Bird，玩得都好流暢。

不過如果真係羅 Galaxy Tab 去睇書，D 書真係要如佢個 Screen 制作專用版本，或者例如 PHP 版本的報紙，先至真係可以發揮佢嘅優勢，否則依家高不成低不就，真係等死。

---

至於 Nokia N8，都係覺得佢係一部 Feature Phone，唔係一部 SmartPhone，介面都係好難用。

雖然 Nokia 話 S60 會繼續用係高階手機入面，不過我覺得只係佢地虛張聲勢，遲早所有高階手機都會使用 Meego，不過希望佢快啲出喇，Nokia N8 真係唔得

P.S. 祝 @Netbugs 好運，似乎二手市場 N8 唔係一部好流行嘅機呢。