唔錯嘅 北海道麵一拉麵

前排見呢間拉麵店開張，見到鋪面幾日本風格，一直都想試試，不過佢個位置有啲「奇怪」，就係由旺角火車站行落黎樓梯嘅對面馬路，平時落樓梯會見唔到間鋪，到走果下食到飽飽先至又「再」留意到，心又「再」諗下次去試下。
早兩日終於的起心肝，行過去試試。

入到去可能時間尚早，無咩人，所以可以直接坐卡位。

點了「炸雞拉麵咖哩湯」和「辣豬骨拉麵」，老實講，初初睇價錢 $4x 都估到唔會有咩驚喜，不過佢又似乎真係做得唔錯，尤其係拉麵做得都 OK 㗎。
至於湯方面就唔係咁清楚，可能因為叫個辣麵，所以感覺唔到個湯好唔好；咖哩湯就真係比較「日式」，辣味唔多，不喜歡辣嘅朋友都可以一試。
至於主菜方面，都幾哂我胃口，尤其係個雞佢整得幾啱我胃口，我幾鐘意食呀，至於豬骨就不過不失，OK la.

我對呢間整體評價都不錯，可以再去食，亦都可以推介一下 (但不要抱好大期望呀，佢嘅水準係 OK 咋)。
事後我睇返 Openrice 對呢間野評價真係好一般，無論食物質素同服務都有不滿，但我就無遇過呢啲問題，啲 waiter 回應得都幾快 & 幾有禮貌，可能依家改善左掛。

地址 : 旺角弼街81號地下F舖
電話 : 2191 6866