Home 雜項

追女仔唔係咁追㗎

1436
0

最近網上流傳一段片 “(熱爆IVE學生上堂示愛,女生傻笑不知所措! HKIVE students failed courtship in class”
係一位 IVE 男生,係上堂果下當眾攞住紮花向一位女生示愛,當然非常哄動。

由片段可以睇得出,呢個男仔真係拍過拖 (有無追過女仔唔知),係大庭廣眾攞紮花追人,真係心口只得個勇字㗎咋,睇戲就會有,現實真係唔係好多女仔受呢套。

因為第一件事你已經令個女仔好尷介,如果個女仔係鐘意你嘅,可能會好冧,但如果對你嘅感覺只係有少少好感、普通 or 唔鐘意嘅,咁就變左由有機會發展變到無。

第二件事係需要好小心用「溝」字,因為不少女仔都覺得好難聽,感覺好下等低賤咁。一句受唔受溝簡直可以將自己推向死亡邊緣。

第三件事,話名冧女仔,一定要甜言蜜語,除左上台講左兩句外,就真係 Dead Air 唔識講野,咩氣氛都走哂喇;仲有人地讓位俾你,你仲曚醒醒企係度,要人提先至識坐,又扣哂分喇。

不過佢勇氣可嘉,值得一讚,但網上亦有好多負面評論,例如

  • 毒男唔應該追女仔
    邊個話男仔醜就唔可以追女仔呢? 係街我都見唔少男仔唔靚仔但身邊個女仔就好靚。追唔追到係人地既事,但唔應該咁人身攻擊。佢有追嘅權利,不過當然追唔追到係另一回事。
  • 唔應該上堂果下追女仔
    講得出呢句嘅多數後面都係講話每年交咁多稅供呢班人讀書,好慶;我估呢啲多數都係中產,以前係超乖仔,日日專心上堂,放學就返屋企溫書,成個書蟲咁,因為只會咁先唔識得「青春」兩個字點寫。
    其實佢只係佔用堂上5分鐘左右嘅時間,唔係好多,駛唔駛講得咁難聽呢? 呢啲行為真係後生先會做,年紀大就唔會喇,咪有得佢地羅,話唔定遲下佢地嘅仔女都係咁家咋。

總之呢個男仔,真係要好好了解下女性,先至好再行動。否則一定會再失敗。