九把刀，你究竟實際有幾多把刀

計命的話，一隻貓有九條命；但呢位網絡作家九把刀先生真係唔知佢有幾多把刀

最近因為一套台灣電影「那些年，我們一起追的女孩」就黎上畫 (19/8 台灣上畫)，係啲 social network 上見到有人 share 有關資料，所以從新認識「九把刀」 (其實係認識 陳妍希 多啲)

一直認為九把刀先生係寫小說能手，九把刀意思是指他甚麼類型的小說也能寫吧，奇幻，愛情，都市系列等等，作品多多。但原來他也能導，能演，連填詞都得，真係極強。

另外值得留意係夾戲嘅女主角 陳妍希，真係靚得黎又有氣質，同套戲好甲。

仲有就係女主角旁嘅女仔，就係彎彎，即係網絡上 MSN 等好鐘意引用既公仔既作者
而佢係戲入面嘅角色名同埋現實網名都係叫「彎彎」

青春劇果然係 arm 我呢啲中年男士睇嘅。 (因為已離我而去了)
睇呢套戲嘅預告真係覺得「青春呀，回來吧」，可能正如預告所講，每個男孩心中總有一個「沈佳宜」吧；喜歡過，但因各種原因總是離自己遠去，所以，這類戲總或多或少都有少少自己以前嘅影子 (除左我樣衰過主角好很多外)

今日睇到其中一段 youtube 的留言，很有意思：

電影裡面，一再提到主角的「幼稚」。
可能有時候，我們會看不起一些幼稚的東西，
但就是因為有那一點幼稚，
才會支持到我們去繼續追尋一些在理性上認為不可能追到的人或事，
例如人生中的另一半，例如理想與幸福。
雖然有天我們還是會需要面對成長，
還是會被現實狠狠敲破自己一直執著的幼稚，
但至少，你有努力去追過、痛過、活過，
縱然未必可以開花結果，但是依然能夠動人。

雖然套戲唔係大團圓結局，但我都想去睇嘅，不過香港 11月10日先上畫。
太遲喇，可能我已經睇完下載版。
P.S. 另外有套日劇，叫《求婚大作戰》，都係好好好好睇，建議一看。