醒少少喇，香港人…

尋日見到好多人瘋傳既一個 message 叫人 del 左 Line

請大家摌走iphone 上的 line app,原來係會係我地電話sms收費的，及不安全(−_−＃)
pls remove LINE asap
唔識你嘅人都add到你
會偷到你電話內的東西
TVB新聞啱啱講
quick forward

香港人唔用腦就信已經唔係第一次，上次盲搶鹽事件已經笑死人。
上次仲可以講話係老一輩姐，但今次傳呢篇文多數都係呢一代讀過書既人，真係唔明點解佢地可以咁唔用腦呀

 報紙又係，東方日報話玩 Line 易財色雙失，啲論調真係低能家，係街都有機會俾人撩家喇，不如唔好出街呀；入面果果個阿俊，又要玩 ONS 又要驚，咁弱智唔好出黎玩呀。

其實論危險，大家已 JB 嘅 iPhone 同埋 Android 仲危險。
JB 左既 iphone 其實就係將 Apple 保護大家個人資料既保護罩除左去，如果你又唔改 default SSH 密碼既話就好易偷到你嘅電話 SMS 相等資料，植入埋木馬都仲得。
當然，Android 係更加危險喇，尤其係大家成日去大陸網站去 dl 老翻 App，入面好多 App 其實都係有餡既，專偷人資料去賣。
如果大家咁都唔驚，玩 Line 其實更加無野好驚。如果咁驚真係不如返火星生活喇，地球真係唔適合你。

成日有人話謠言止於智者，不過我睇落香港黎講，謠言只會止於講到悶。
SmartPhone 係俾啲 Smart 嘅人用，如果閣下係 Stupid 的話，請用回啲只可以打出打入既”Stupid” Phone，唔好庸人自擾。

外記：
尋日有人 send 呢個 message 俾我嘅時候，我同對方講呢個只係謠言，如果佢可以 send 到 SMS 既話，Apple 根本唔會批佢上架喇。
對方話連 TVB 新聞講有講 (似乎 TVB 新聞仲有少少公信力)，不管你信不信，反正我信了。
我真係俾佢吹脹，搞到慶慶地。(事後當然去 mytv 搵過，TVB 完全無講過，流料黎)
如果查返「反正我信了」呢句，都知係出自一位大陸低能官員嘅口，如果你係反正我會相信謠言，你其實比果位大陸官員 level 更低吧。

引伸閱讀：
從 Programming 角度去分析事件：http://chinese.winandmac.com/news/line-app-problem-pay-money/#more-26911
不要”盲搶鹽”, LINE 盜取個人資料? 謠傳、謬誤逐一解破！：http://www.iloveapps.hk/2011/10/17/everytings-about-line/
謠言大踼爆！從 Line 中顯出智能手機用家多屬「不智」：http://nccc.cool3c.com/article/51858