2012 日本之旅 Day 2

吃完後，就出發迪士尼，其實10年前已經去過一次迪士尼，但是是一個充滿遺憾的旅程。因為當年我忘了戴錶，手機又忘記差電，又唔記得帶火牛，跟本唔知時間同其他人集合（當年自已唔識日文驚問唔到時間，又驚問果下已經遲大到）
很多我想玩，比較靜態的遊戲，因為其他團友無興趣，又要照顧一位團友婆婆而無得玩。
今次都算係將遺憾補完之旅。（不過最後都有遺憾）

入到去迪士尼差唔多 1:00pm 了，所以去到所有 fast pass 已經派哂，無得免排隊。

4月份係復活節，有特別版復活節巡遊。

好多相，哈哈
因為真係幾難得，大家 load 耐少少喇。
不過 iPhone 4s 嘅拍片能力真係幾令我驚訝，無論畫面質素同埋收音都做得唔錯，防手震亦做得 ok 喎 (呢段片係手持拍)
不過都好興幸買咗 64GB iPhone，雖然平時用唔哂，但係一旅行一拍片，真係隨時唔夠用。

睇完之後就玩過山車喇，呢個十年前無玩到，今次一定要玩。

原本拍片拍上引，想拍埋片嘅，但開始無耐就無電，shit，咁無計喇。
之後去睇森巴舞表演，但玩完過山車後都佢都已經開始咗，入唔到場，唯有係外面睇。
但呢個唔算好睇。

睇完之後就去咗睇十年前三大遺憾之一：One Man’s Dream II – The Magic Lives On（一個人的夢想 II之魔法長青）

十年前：

十年後：

當然仲有唔少得嘅 video，不過初初應該唔小心 click 到畫面暗位，所以畫面會爆光。

睇完之後就去搭火車 (10 年前遺憾之二)

比起香港，日本呢個火車路程長好多，又多好多嘢睇，而且又會經過隧道有恐龍睇，不過有玻璃又暗影唔到。
十年前睇唔到可以話係最大遺憾之一，因為自小鐘意火車，係小學三年班見到社會科有一張美國迪士尼嘅相，有架火車係地面行，就好想試下搭。所以十年前搭唔到真係好唔開心。

搭完火車又睇巡遊，不過今次佢拉咗條繩，令到影相時會將繩拍下來，十分無引…….

睇完後之後打算坐船，但十年前坐唔到，今次都坐唔到，未到 9:00pm 已經 close 了。

周圍行下，就完成今日迪迪尼之旅。

係東京迪士尼比起香港有幾個特別，首先係好多小朋友都係真係成身公主打扮，裙，手套，鞋 一 set 齊哂。
日本人真係會好投入去玩，e.g. 其中一個坐船仔入去叢林，個工作人員係好投入咁好似真係有危險，叫人伏低，船上嘅人真係會伏哂，係香港的話，「真係啋你都有味」
仲有日本人真係好鐘意米奇，我見到好多女仔手袋掛哂章係上面，見到米奇會尖叫，氣氛好好。

總括嚟講，東京迪士尼比香港更大更好玩，更多遊戲。其實係每一個遊戲嘅質方面都遠超香港，如火車長度同佈置都好好多；跑車用嘅係汽油，速度感高過香港果個。而且東京迪士尼仲係一個唔會有人隨地疴屎疴尿，個個都排隊唔打尖嘅迪士尼，係吸引好多。
去完東京你唔會再想去香港已經淪陷咗果個。

其實玩咗成日，係時候食 Dinner。
返到池袋食豬扒飯，真係唔算貴，但我覺得比起銅鑼灣間專食豬扒飯果間更好食。

引伸閱讀：

2012 日本之旅 Day 1
2012 日本之旅 Day 3
2012 日本之旅 Day 4
2012 日本之旅 Day 5
2012 日本之旅 Day 6
2012 日本之旅 Day 7
2012 日本之旅 Day 8
一別十年
箱根登山鉄道遊