2012 日本之旅 Day 3

話咁快就完成咗兩天行程，今天我們將離開東京，進入温泉之鄉 — 箱根

其實箱根可以說是花費頗大的行程，因為我們都是住一些平價酒店，但箱根的酒店真的不便宜。
最初在香港旅行社看，大部份都索價 HK$2000 以上一晚，也只是普通西式酒店。
之後上日本樂天網看看，見到一間環境不錯，而佢温泉又幾靚，又有獨立温泉可以用 (雖然要另收費， ¥2000 /hr)，箱根湯本温泉　天成園，價錢也只是 HK$1500左右一晚 (兩天 ¥31200)，包了早餐和晚餐，所以訂了。

不過訂了差不多兩星期後再看看，原來離火車站很遠 (是我的失策)，所以又想轉另一間。

之後又在另一間日本大網站找到另一間近車站的旅館 — 強羅　文の郷。
這間近車站近得多，幾乎在旁邊，在網上看過介紹也不錯，所以就改訂這間。
不過價錢貴得多，幾乎 $2000 一晚 ( ¥39000 兩晚)，雖然包早晚餐，但也覺得太貴了。(不知介紹文中 ¥9970 / 晚是否一人計算呢)

結果最後在臨出發前的一天，朋友打來說可以在 Hotel.com 看看，她有 9折 code，看到一間超平酒店，リゾーピア箱根 (Resorpia Hakone)，不連早餐不用 $1000，我們訂了連早餐兩晚折後只要 HK$2,138，算很平了，所以最後住這間酒店。

今天一早出發，我們原本預訂了浪漫特快列車的展望席，但是只能坐12:00pm 的車，考慮到去到酒店已經 2:00pm，而箱根纜車等設施收車時間大約是 5:xx pm，根本無時間遊覽，所以最後改了坐 7:28am 的車，但沒有展望席了。但因為都係浪漫特快，所以都要每人俾多 ¥780。

之後轉乘全日本唯一的登山電車上強羅。其實日本人分火車，電車，纜車是分得好清楚。登山電車是使用細車箱 （和 JR 山手線等同一軌距），有架空電纜，所以列為電車。

登山電車第一次坐，真的覺得很特別。大部份時間都是單軌雙程行車，而且去強羅總站之間，有數個平台，令架車頭同尾會互相調轉行，用最少空間來爬升。
而每次轉換時，兩個司機都會有一連串動作去幫助記得所有步驟，去檢查所有嘢妥當先去開車，係香港人睇會覺得幾得意，但呢個亦係真係一個好方法去保証自己記得哂所有嘢。

而由於車速不高而且路程不短，所以上落山每次也要半小時以上。不過沿途櫻花景都十分靚（但紅葉我相信會更靚），最後上到強羅再轉纜車上公園上站。其實呢間酒店真係個站側邊，一落車已經係門口，但都要再行上一段斜路。

放低哂所有行李喼後（我地只帶其中一喼，另一喼係留係池袋），就出發上去大涌谷喇。

其實大涌谷本身係接近火山（富士山一帶），所以佢有地熱，所以不停有蒸氣冒出而成為景㸃。成為景㸃自然有會幾間禮品店喇 🙂
比較出名係果度嘅温泉蛋，佢地用天然嘅温泉水煮蛋，但老實講真係唔覺有咩咁特別喇。亦唔覺有咩咁好食；佢話有益健康不過我睇你健康前膽固醇過高死先喇。

搭船後第一個站係箱根町港，不過呢度其實無咩好睇，有啲木製品嘢但係真係幾貴下，只係響呢度嘅郵局買咗啲明信片。
行咗一陣我地再搭下班船去下一站元箱根港。
(其實呢度有三架船輪流對開)

之後返碼頭，但係非常傻豬咁去咗另一間一樣遊覽個湖嘅碼頭，當我地發覺錯誤時已經追唔切班船。

那麽沒辦法了，再行一下，見到有麵包超人扭蛋機，女朋友好鐘意，花咗 ¥1000 都未扭到佢想要嘅麵包超人同埋另一位女角，所以都無辦法放棄喇。但女朋友最後都係死心不息想扭（叫我扭），咁無計喇，再行去扭。我憑住大吉嘅威力，第一個就係麵包超人，第二個就係個女角，Yeah，任務完成！！

搭返船返強羅，見時間未太晚，4:xxpm 左右，考慮到之後無咩時間行箱根，所以就搭返落去。
但啲車 + 船真係好慢，所以去到箱根已經差唔多 6:00pm，大部份店都已經收咗 or 收緊鋪，但都叫做行過喇。
我地係 7-11 買埋今夜嘅 Dinner 就返上去，返到酒店已經天都黑哂。

上到房，今次我地 book 咗西式 + 日式房，所以間房都幾大。
不過西式床啲被好「鞋」，所以都係訓日式房。
係房睇下電視，之後就去浸温泉。
呢間温泉係男女分開而且無得 book 私人房，但我真係浸唔慣，所半個鐘都無就出返嚟喇。

引伸閱讀：

2012 日本之旅 Day 1
2012 日本之旅 Day 2
2012 日本之旅 Day 4
2012 日本之旅 Day 5
2012 日本之旅 Day 6
2012 日本之旅 Day 7
2012 日本之旅 Day 8
一別十年
箱根登山鉄道遊