恆源數碼手提耳擴

早兩天 Join 了 Jonathan Sin 玩樂手記搞嘅恆源數碼新擴音機介紹會。

老實講我一直都聽過唔少人話用耳擴後音質會靚唔少，以前去過亦軒鋪頭上試過一啲耳擴。但老實講我試還試，我覺得係有分別，但我覺得係要去玩到要出街拎多舊就怕怕。
用 iPhone lineout 玩耳擴，不如換左部機先好過喇，iPhone 從來都唔係一個好嘅音源，佢只係方便而已，雖然我未試過，但我覺得搵一部好嘅 player 提升音質來得實際過玩耳擴。

係聚會入面，其實負責人都好老實講，話其實耳塞型嘅機，唔駛玩耳擴，因為耳擴最主要作用係推嘅難推嘅耳筒型耳機。 如果耳塞型玩耳機，多數一係玩 EQ，一係玩原音。
EQ 唔多講，因為一般 player 都有內置，但 software EQ 「太準」，而音樂係自然，條 curve 會係曲線而唔係尖，所以 hardware EQ 會比較自然。
另外一個玩擴音係因為玩原音，因為耳機，播放源如 iPhone，內置都有抗阻，而耳擴就可以將抗阻抵消，所以就可以出到「原音」，對於 iPhone 之類係低音大啲抗阻嘅機種，耳擴可以將低音帶返出嚟。當然聲音係主觀，鐘唔鐘意就見人見志。

講返呢部 FSM02，我都試嘅時間又唔係好多，都係試一陣 only。(耳機用 Shure 535)
呢部機本身可以 mod 機，將個前級放大唔要，但現機幾部都係無 mod 版本比較唔到。
而 EQ 部份初步感覺唔明顯，但因為只係試得一陣，所以不能作準。 (因為後來有時間再用另一部試時，果部因為之前借過俾記者，所以已經用到壞壞地)
但直出部份係唔錯，音樂層次強咗唔少，而細節亦感到有所改善，令到 Angela Aki 歌聲更好聽。
但如果要正真下結論我估要搵一個好啲嘅音源，或者起碼 iPhone 要用 Lineout 先，係現場唔會試得好清楚。
如果要數缺點就真係比較大舊，帶出街會比較麻煩。

不過介紹人 (其實係恆源個老闆)，都講出香港好多玩家其實都唔知咩叫好咩叫唔好，好多時都係人地話好就話好，貴就好等等。 而 mod 機亦都係為咗 mod 而 mod，多數都係睇外國 forum，人地話點 mod 就點 mod，其實完全無考慮過自己係咩音源，聽開咩歌，就跟人去 mod 機，而因為花咗錢，好多時心理上都會覺得 mod 咗係好咗。 但其實正確地認識點玩係好重要嘅，不過香港唔係好多地方有得敎，好多時都係人云亦云。