Home 評論 食評

佐敦OK的四川麻辣–麻辣媽媽

537
2

今天原本打算去香港島拿貓山王榴槤,但一看時間,原來只是逢星期一至五 9am – 1pm, 2pm – 5pm,所以無可能返工日子去攞;而且佢要求 3個工作天前預訂,所以最後放棄下次再攞。

還好我們未過海所以就打算在附近食晚飯,而女朋友就心血來潮想食麻辣田雞,上 openrice 一找,result 只得一間, 就是麻辣媽媽。

麻辣媽媽

睇返 Openrice 好評者有不少,所以都相當放心。
地點不算難找,佐敦站 E 出口經過商場在另一邊一出就會見到。

可能因為時間尚早,所以人不多不用等位。
去到點了數樣,麻辣田雞煲,辣子軟殼蟹,千煸四季豆,和一個川北涼粉,還有一個日本生啤和一個特飲。

上菜速度不算太快但 OK,不過人少少也這樣速度,如果滿座不知怎算。

麻辣媽媽 麻辣田雞煲
田雞幾足料

首先嚟到嘅係田雞煲,不得不讚是真的足料,田雞份量十足,味道都唔錯,我地叫中辣所以無咩問題。
但係就真係唔係好覺麻 (因為中辣關係?)
不過如果唔計唔麻的話,都幾好食。

麻辣媽媽 四季豆
第二碟來到是四季豆,這碟基本上不辣,但頗鹹,需要叫飯來餸。
並未有甚麽特別。
麻辣媽媽 麻辣軟殼㙰
之後來了今餐最貴的辣子軟殼蟹,論辣子份量可見上圖,相當充足
軟殼蟹份量都 OK 嘅,不過就覺得唔算夠辣 (佢落單果下無問要幾辣)
不過呢碟都係無麻辣(因為辣子其實唔係麻辣?)
而且都係有少少鹹,送飯都唔錯嘅。
麻辣媽媽 川北涼粉
最後來了川北涼粉,係真係有啲麻嘅東西喇。
不過呢碟係真係辣,初初唔覺,食多幾啖就 feel 到好辣,而且仲久久不散。
所以最後呢碟係無食哂就走了,頂唔順。

呢餐叫不過不失,但 $3xx 的價錢就真的幾貴。
下次如果再去我相信要叫佢加多啲麻先得。

另外係 Openrice 見到有人說元朗香辣風比較好,有機會再去試先。

評分:73/100