海洋公園–冰極天地

原本昨天想去迪士尼樂園試新區灰熊山谷，見過 Facebook 有唔少人去玩的相，知道 14 號開但記錯了 14 號是這個星期 ~.~
最後決定了去海洋公園，而且買埋年票，隨時有得再去了。(迪士尼 bye bye XD)

昨天天氣最初以為會很熱，但去到海洋公園就下起一陣不少的雨，但一陣就無了。不過之後都時晴時雨，好彩帶了遮，原本打算遮太陽但變兩用了。

而我自從熱帶雨林天地開幕後就無再來過，所以都有不少新鮮感。
但首先都去到威威劇場和雀鳥劇場，因為之前去海洋公園都錯過了這兩個表演。

看完後就去探馬騮同埋熊貓

跟住就去「新開」嘅香港老大街。
其實最初我以為老大街位置係以前集古村，不過原來只係纜車站附近少少地方，有啲失望呢。只可以讚嘆海洋公園真係識善用地方。

但係老大街又唔係無可取之處，有啲地方佢地都做得不錯。如呢間戲院咁，就有一個磅重機，我細個時勁鐘意去磅呢。

另外佢都有幾個地方幾有懷舊色彩嘅，我都幾鐘意。

搭纜車上到山上 (我覺得每次來唔搭過纜車唔叫來過)，見到新開的動感快車。
睇落真係好刺激呢，這架過山車需要除鞋玩，因為會雙腳離地，如果唔除鞋會周圍飛。
雖然理論上佢唔夠富士急激，不過因為在山上，所以視覺效果應該幾強烈。
小弟就怕怕無玩喇。

之後見到新區冰極天地，原本以為佢未開點知見到過山車有人玩緊……當然即時過去喇
不過見到封住有 Security guards 係度，個心都沉咗一沉。
不過好彩見到佢只招待年票會員，即係入得去喇，Yeah。

入到去見到新過山車，極地時速，當然第一時間試玩。
不過見到一個好奇怪嘅現象，就係好多小朋友………~.~””
都估計係一個老少咸宜的過山車 (啱我 XD)
因為少人關係所以可以說不用怎樣等，第二輪就到我們了。
感覺上…….真的很老少咸宜，論刺激迪士尼的太空山還刺激得多；坐上去有點似坐車兜風，幾涼幾舒服。
不過因為路程短，所以每次都是兩個圈的，算是少少補償。

不過這裏有一個北極館，但還未開放，入面有海象海豹等。
還好南極館已開，可以見到企鵝喇。
雖然唔係第一次見企鵝但之前都是隔著厚厚的玻璃，今次距離近得多，見到有工作人員搖鈴吸引企鵝過來餵他們，餵完後很多一躍如下入水暢游，場面壯觀。
場館設計唔係密封式，所以場館温度保持 5-8 度，所以著短䄂衫的我們覺得真的很凍，不能久留。
另外場館地下是水池的一部份，所以可以看到企鵝在腳下游水，感覺很近亦很新鮮。

↑ 可以看見餵企鵝的情況

之後去了隔鄰的餐廳，原本想望下就算，但係見到隔離極近距離見到企鵝就忍唔住豪一餐
老實說早已預備被劏到一頸血，但是叫了哪個低碳套餐，份量也真的太「低碳」了吧？份量真的少得可憐，不過影到企鵝又算了吧。
我看見其他人多數點 Pizza 和意粉，份量好像較多，所以點這些較好。

另外餐廳的温度較低，所以要注意保暖，可以向職員要求披肩以免冷親。

https://www.youtube.com/watch?v=zGDQR5efKk4

↑ 係餐廳入面影到的企鵝

總結：

今次海洋公園新區比較老少咸宜，如果喜歡看動物的話，一定會鐘意新區。
期望下次可以到北極區看看。

另有一樣，今次海洋公園打擊迪士尼動作明顯，迪士尼新區灰熊山谷 14/7 開幕，而海洋公園就 13/7 開幕。
不過對於早一天是星期五，作用有多大就不知道。
而以宣傳計，身邊不少人都有寫 Blog 說去迪士尼玩，但相反如非心血來潮去海洋公園，真的不知有新區，和年票用戶可以優先試玩，因為完全留意唔到宣傳。

希望海洋公園注意一下，當作萬勝節的力度宣傳效果才會足夠好。

---

16/7 補充：

昨天再次去海洋公園，去看北極館。
因為已經傍晚的關係，所以人很少，不用排隊已經入到去了。

其實原本還會有白鯨等動物，不過因為捕獵過程大殘忍，死亡率高，所以才沒有養。