今年終於齊海洋公園和迪士尼的 Halloween 節目,其實今年原本只打算去海洋公園,因為迪士尼年年鬼屋得果兩間,仲要有一間只是太空山改改投射影像就當鬼屋,十分無引。

不過我自開了 little small world 區後都沒有再去過了,所以反斗奇兵區和最新的灰熊山谷也沒有去過,所以難得有團購夜場所以去了。

比較出乎意料之外是今年鬼屋多了一間,而且是真正的鬼屋,可能因為我一去到就去這間,所以人不多,每一隊也少人,沒有魚貫進場的感覺,
比較好玩。
而佢係馬戲團設計,比起其他鬼屋有新鮮感的多。

HK Disneyland Teddeus Oswalds Amazing
新鬼屋

其實不少 blogger 都分享了對灰熊山谷的感覺,我都不多說了,前後前的確係幾過引。
反斗奇兵有海盜船式的過山車,這個比較刺激不用說,但是降落傘式的機動遊戲比想像中離心力更強,所以小朋友要小心一些。

HK Disneyland Graves Academic
十年不變的鬼屋

今年海洋公園鬼屋維持係8間,因為今年買了年票,所以去哈咾喂有半價;不過之前未睇清楚原來限定日子,所以白去一趟。最後選定了18號,團購日子去,不過買了至尊門票。
今年是第一年買至尊門票,所以是第一年能夠玩哂所有鬼屋,至尊門票唔駛排咁耐隊果然過引得多,哈哈。

今年鬼屋有兩間比較特別,一間係 5D 鬼屋,要戴3D 眼鏡的,另有些水花噴出來,所以稱為5D。
另一間就以黑為主,唔少地方都真係好黑伸手不見五指,不過他們都有預留下一間房的燈光令你可以找到路出去,所以又唔會走唔返出去。

2012海洋公園十月全城哈囉喂 黑暗末世紀
今年最黑的鬼屋
2012海洋公園十月全城哈囉喂 5D 地獄不歸路
5D (其實係 3D) 效果唔錯
2012海洋公園十月全城哈囉喂
Microsoft 都走嚟做宣傳,影張相留低啲資料有機會贏 Windos 8 RT 平板