很久沒有寫食評了,其實之前有數間食肆想寫不過太懶沒有寫。
近來有返雅興寫 blog 所以略寫一下這間食評

其實原本打算平食一餐填飽肚算數,因為這星期已經吃了兩天任食邊邊,不過收到傳單見到呢間放題,尤其是看到梅酒清酒任飲,立即變得非常吸引,所以下星期才慳錢吧!

番本日式放題
當時我食 $178,不算太平啊

服務態度良好

從前食過尖沙咀大喜屋每位 $238,可能因為場地大職員不多,所以職員忙到嘔無句好聲氣(其實係大部份放題通病),不過番本放題由入口 reception 姐姐到入面待應職員態度都唔錯(reception 姐姐態度好好添喇)
可能因為不是一班人去食,所以點單不是太多,沒有漏單的情況,叫待應再添茶等亦好快手。

食物質素不錯

去大喜屋已經是上年的事,所以難以直接比較(不過印象係不外如事,唔值 $238)。
今次番本反而感覺不錯,我最鐘意的三文魚幾新鮮好好味;其他天婦羅等我都很滿意,和牛粒都炒得唔錯,好入味。
少寫食評學唔到其他人點寫喇,總之食得過,$178 價錢,食物質素同服務都 OK.
起碼無上次去旺角吉壽食到臭炸蠔,我吐都吐唔切,之後其他人都聞到糞便味,即時要待應拿走。(早前一批人食物中毒要被停業)

這間放題最有特色的地方是梅酒和清酒任飲,個人來說鐘意飲梅酒,而那裏的梅酒很好飲,不會太甜,幾難得,平時買得梅酒都很甜;清酒少飲唔識分點為之好。

番本日式放題

番本日式放題
這裏的梅酒很不錯呀,不會太甜

總結

我會推介這間食肆,收費雖不算平不過相信你都可以「番本」,地點雖不是旺角最旺地段,但在天穚旁邊 PCCW 那座大廈不難找。梅酒清酒任飲對好此類酒朋友更不作他選,旺角只此一家。

現在可以在他們 FB 下載 coupon 有特價,而 like 了他們的 FB 有大甜蝦一隻,大家去前要做足準備唔好好似我咁蝕呀。

題外話

不過發生了一個意外,唔小心滴了一滴䜴油去 iPhone home 制,而且自己唔知幾時滴,留係 iPhone 上面幾耐。
依家 iPhone home 制入面「廉廉」地,回彈力差左,去先達問過話無得整,要成組換好貴,建議如果用到就由得佢。
不過…..好唔自在,部機新買。

地址:旺角西洋菜南街168號3樓全層(旺角站 B2 出口對面)