終於拿到婚紗相了

終於拿到婚紗相了…..
其實四月影理論上早些時候已經可以拿到，不過因為影完後攝影師 send 了 3 張來，女朋友見到就眼怨，有人說似一位年紀較大的女人拖住一位後生影相；其中一位同事更問她拿相，放便他不開心時睇返啲相令他可以笑返。

事實上拿了那 3 張相後真的大受打擊，攝影師說 5 月可以揀相，但是他沒有打電話來我又懶得理。
最後來 7 月才打電話聯絡那間攝影公司揀相，8月執完相，9月睇排版，10月才拿到相。
我那個 plan 可以揀 30 張相，幸好都有 30 張可以「揀得落手」。

其實最大問題係女朋友妝化得完全唔得 !!
我們沒有試妝，我和她又不懂化妝，所以唯有相信他們的專業，以為濃少少妝方便上鏡。
頭髮亦 set 得差，駁髮效果很差，很「徐小鳳」Feel，所以加埋化妝效果，可以話一鍋粥。

攝影師也好不到去邊，朋友在另一間影，直出不用 PS 效果已經好滿意。
其他朋友見到那 30 張相後，對攝影師評語是「hea」，取境角度都好「求其」，老實說我一些龍友 fd 影出來的效果更好。
而且攝影時又無提醒一些細微位如手脾不要夾埋，否則會影到手脾好粗等。
所以攝影其實都不太專業…….

最後，油畫果張有朋友問…你唔打算再影？你唔係打算將呢張放出嚟呀(指擺酒時放門口)……
是的，錢已 waste 不打算再 waste 了…….

P.S. 這間好處是他肯影 RAW，全部相底有齊，但從結果來看，有無相底無分別，影得差是不能用 PS 補救。